第一名   台灣白牡丹       2007/11/11

今天（實際所指的是11月10日，

因為現在時刻是三更半夜時分）

劉快治基金會舉辦今年度的台語演講比賽，

有兩大特色：

一、 演講後，演講者接著接受即席問答，評審老師提問，
 相當精彩。

二、   中年級組的水準比高年級組來得高。

特別把中年級組第一名的演講稿披露如下，

讓咱寓友們共賞（請用台語）：

                我的煩惱         

（打響板）講煩惱，說煩惱，人若沒煩惱，日頭未落山。

各位評審老師，在座的好朋友，大家好！

這陣，我來講「我－的－煩－惱」。

我看這脈（現在）的人，不管是吃的、穿的、佮要所用的，會使講，逐項攏足充足的。

    不過，這脈的人煩惱顛倒多，大人有大人的煩惱，囡仔人有囡仔人的煩惱，

真正是一樣米飼百樣人，有百樣的煩惱。

 就是按Ａ，我特別來講我的煩惱、分大家聽：

生做人，嘛攏愛美，這是人的天性。

我，人瘦、細漢，閣無夠美。細漢的時陣，有人笑我醜，當我的面講：
「你卡會生做按呢？」意思講我沒美，害我那暝藏在被孔內哮歸暝，
擱有想講死死矣好。

另外，阮同學嘛笑我三比八，一支那像竹篙，給我有夠傷心Ａ。

好佳哉，阮母仔事後知影這些代誌了後，就佮我安慰，說、人的美醜、肥瘦

是爸母生成的，伊未凍代表人的全部。人，心地善良上重要，心肝、若美，人就、真正美。

我還有一項煩惱，就是數學這個科目，看著123456789佮0這些數字，
親像狗瓦趖來趖去，爬高爬低，搬東搬西，愈看愈花，看到霧煞煞，
歸個頭殼暈車車。

尤其是遇到算除的，常常算不出來，若無就漏溝，真正是一粒頭兩粒大，

有時算到三更瞑半，也沒辦法。

真拄好，遇到一個有夠好的余老師，老師佇我在捉無帳的時陣，
攏會安慰我、鼓勵我，足有耐心教我算的方法，這脈，我卡沒煩惱數學，
返倒轉，我對數學漸漸有興趣啊！

阮阿母曉給我講：「若無烏雲，無風雨，就無美的虹——美麗的彩虹。」

老師也有講過：「人，知影通艱苦，才會有藥醫；
知影通煩惱，才會變聰明。」

老師嘛佮阮鼓勵：做人認真上介讚，尤其是囡仔人，自細漢養成好習慣，

有好的想法，大漢才會有好的發展，為國家為社會做一個有路用的人。

       今仔日會當講出煩惱，明仔載就會得到快樂！

       祝福大家健康、幸福！

       多謝！魯力！

（接著即席問答。）